Articles

Affichage des articles du 2017

Secreta Ursi, Finis ludi (Milesia), pars 38

Image
Fabula tertia : Rex mortuus est
Mensis Iunii die XVIII biocolytae Budapestini ab Toth Reka, feminâ Hungaricâ, telephonio appellati sunt quod scholasticus peregrinus impediret ne domo exiret. Is enim crapulam edormiens humi iuxta ianuam iacebat. Szabo Imre, uigil uico praepositus, cum domum Toth Reka adiuit, conatus uenarum pulsum palpare, animaduertit adulescentem non uiuere. Cadauer alioquin muscis iam circumuolabatur. Subsidio appellato adulescentis uestimentum scrutari coepit ut syngraphum uel tabellam agnitionalem inueniret. Nec morâ comperit defuncto nomen esse Antoine Dutilleux, scholasticum in necessitudinibus internationalibus apud Institutum Studiorum Politicorum urbis Francogallicae Auxerre. Tunc uigil mortuum maledixit, dein cupiens molestiam inuestigatuonis diutinae uitare, decreuit adolescentem, uino captum, casu in gradus cecidisse ut tempus ceruicesque frangeret. Iterum scriptorium telephonio appellauit collegas casibus peregrinis praepositos arcessendi causâ. Postea…

Scholae Romanae e Guiana - lectio secunda (De futurae Romae loco)

Image
Scholae Romanae e Guiana - lectio secunda. De futurae Romae loco.

Sub regibus Romani contendebant ut superessent. His flumen Tiberis limes naturalis erat quo se defendebant aduersus Etruscos. Etenim Etrusci locis septentrionalibus occidentalibusque Tiberim accolebant. Flumine incerto aquae saepe superfluebant sicut fabula de Romulo Remoque tradebat qui alumni aquis refluentibus in ripa relicti essent. Itaque regio Romae tota in stagnis erat. Haec fuit causa cur incolae in collibus habitare mallent. Ibi non modo salubritatem maiorem sed etiam arces  speculasque inueniebant. Ceterum domus Romanae muris spissis impluuiisque pluuias collecturis praeditae talibus necessitatibus respondent. Quod ad illa tempora spectat, nobis comparanda sunt et rara uestigia archeologica et fabulae mythicae quae de Roma condenda narrabantur.

Primo -  De Roma Quadrata VIII saeculo ante Christum natum

Uestigia casularum VIII saeculo aedificatarum in monte Palatino reperta sunt. Quod temporis spatium conco…

Secreta Ursi, Finis ludi (Milesia), pars 37

Image
At cum plerique toti in cursu abirent, adulescens aliquis, immaturior idemque uino praeter ceteros captus, titubando uiae margini offendit. Corruit et iam humi in domus gradibus iacebat pede dolente. Quamuis comitibus frustra clamaret ut sibi opitularentur, tamen tempestas uocem eius obscurabat. Itaque Ursus appropinquauit et cum audiuisset adulescentem Francogallice loqui, sic adfatus est : -Norisne fabulam illam de Cleobe Bitoneque ? -Hercle, modo fregi talum ! Scolasticus lacrimans prae dolore uerba Ursi uix exaudiuerat. Hic porro : -Die quodam, ait, sacerdos Iunonis timuit ne bubus currui deficientibus serius ad templum ueniret. Ea uero femina pia duos habebat filios, Cleobem Bitonemque. Qui iugum subiuere ut currum usque ad templum traherent. At dea ut eis gratias ageret, felicitatem summam donauit quâ homines omnibus doloribus liberantur. « Neca istum, neca istum » Urso murmurabat Mamma. Quod is miratus est : nam usque ad hunc uesperem, ipsa solebat homicidia ab eo perpetrata re…

Scholae Romanae e Guiana - lectio prima (De primis temporibus Romae)

Image
Scholae Romanae e Guiana - prima lectio. De primis temporibus Romae.

Roma antequam maximum imperium antiquum facta est, ex humilibus initiis profecta est et propterea pugnare debuit usque ad aetatem Reipublicae ut hostibus superesset. Ex his originibus tum incertis cum male notis processerunt multae fabulae quibus constituta est  mythologia historica Romana. Cum scripta desint, archeologia, comparatio mythologiarum, sociologiaque nobis auxilio sunt ut prima tempora Romae describamus.


Primo - De Indo-Europaeis in Latio.

Romanorum ataui, Proto-Uillanouiani uocati, Latium, siue regionem futurae Romae, occuparuerunt cum Indo-Europaei Continentem Europaeam ingrederentur circa duodecimum saeculum ante Christum natum. Indo-Europaei enim fuerunt gentes uariae aetatis praehistoricae quae linguis affinibus utebantur unde ortae sunt linguae Italicae, Germanicae, Slauicae inter alias, necnon dialecti Graecae.

Usque ad nonum saeculum ante Christum natum, incolae Latii artibus technicisque sat…

Secreta Ursi, Finis ludi (Milesia), pars 36

Image
Tunc Ursus, sicut umbra, e loco facessere coepit. Martha uero dum eum sub lampadibus antiquis, inter sedes commodas, per dulces clauicordii notas abeuntem uidet, pondus solitudinis suae in animo grauescere sensit. Etsi ei clam maledixit, tamen admissit eum quid existimasset libere fateri. Quod ad munus attinebat, barbatus ualde callebat, neque umquam uestigia in operationis loco relinquebat ut ipsa eum optimum emissarium iudicaret. Amicus quoque haberi poterat quoniam ueritates uel crudelissimas ei tradere solebat.
*
Sole occidente Ursus ex amantis fortuiti domo iam exibat. Quem diceres uirum simplicem malitiaeque uacuum, quod rarum erat in tantis societatis Hungaricae aerumnis. Alter alteri numeros telephonicos dictitabant cum imber coortus est : -Sis, Ursus inquit, maritum meum tibi commendare possim : uobis, ut credo, una lasciuire libeat. Cum infrenâ sinceritate loqueretur, uir Hungaricus, staturâ alioquin procerâ ne suspicatus quidem est alterum ficta effari posse : -Quomodo…

Scholae Romanae e Guiana - Prooemium

Image
Saluete, amici amicaeque Latine loquentes! Saluete uos omnes, scholastici curiosique rerum Romanarum antiquarum.
Mihi nomen est Renaud Mercier siue Latine Reginaldus Mercator. Ego mythistoricus sum professorque linguarum classicarum. Guianam Francicam incolo ubi curator inspectionis pro ministerio Educationis Nationalis Francicae sum. In Universitate Guianae quoque profiteor.
In nouo proposito meo uobis praebere destino seriem L emissionum de mundo Romano antiquo.
Nam ab urbe Roma condita anno septuagentesimo quinquagesimo tertio ante Christum natum usque ad depositionem ultimi imperatoris Romani Occidentis anno quadragentesimo septuagesimo sexto post Christum natum floruit mundus Romanus cui etiamnunc debentur linguae romanicae hodiernae, fides Christiana, ratio mundi uidendi nostra, artes technicaeque necnon conceptiones rei publicae, iuris, ciuitatis, hominumque bonorum.  Sic ab regibus paganis usque ad Imperium Christianum, Romani modis semper renouatis pericula multa superarunt.…

Secreta Ursi, Finis ludi (Milesia), pars 35

Image
Tariq in arcerâ iacentis cor palpitare desierat. Analysibus demonstratum est in eius sanguine quinquiens inesse quantitatem digitoxinae quam medici praescripserant. Cui accedebant duo genera benzodiazepinarum e quibus unum pro soporifero habebatur. Etiam dubitatum est an Tariq sibi mortem consciuisset. Nec legatio Budapestini nec regimen Mauritanianum quicquam de morte agentis a rebus culturalibus pronuntiauere.
*
-Cur dubitabas mihi fateri quomodo Tariq reapse decessisset? Martha munere accurate fungendi cupida conspectum Ursi captabat. Hic umeros leuiter sustulit, dein ait: -Negotium libere gerebam. Asseuero polonio nos uti debuisse. Etsi tu id optimum esse negauerat, consilium mihi operanti recidere oportebat. Itaque mihi placuit collegam nostrum, professorem linguae Persicae illum asciscere ad propositum meum. -Cafeum, benzodiazepinas, digitoxinam tu... -Ad haec adieci succum conuallariae maialis, quod Mautitanianos uidelicet effugit. -Ubi est capsula gasii Sarini q…

Soliloquium e Guiana 21 - De propomatibus litterariis

Image

Secreta Ursi, Finis ludi (Milesia), pars 34

Image
Scriptorium non uere prodebat quoniam haud solum Tariq mortuus, sed etiam necatus erat clam aemulis. Neque alioquin legati proposito assentiretur ne duplicem oboedientiam subiret. Namque Ursus longe altius uolabat quam ut tales machinationes ordiretur. Excruciabatur taedio quod mendacia ei dictitabat. Dum Martha eum tacite contemplatur, ipse, in pristrinâ Budapestinensi sedens, se reuidit surgentem Tariqque ualedicentem in cauponae Persicae solario. Deinde recordatus est uirum quendam procerum colore aquilo oculisque perspicillio solari coopertis progressum esse ad latrinam uersus incedentem. Eundum pede mensam offendisse. Ne caderet, linteum manteliaque forte arripuisse ut poculum cafei Tariq insuper effusum sit. Eum ob potionem perditam stomachantem surrexisse. Iam convicia odiosa parasse. Alterum linguâ Arabicâ utentem modeste orare coepisse ut ueniam humiliter posceret. Re pacatâ Tariq cum suspirio consedisse concludentem alterum stolidum esse. Haec cuncta Marthae narrauit. Dum e…

Soliloquium e Guiana 18 - De gente Hmong pagoque Cacao

Image

Secreta Ursi, Finis ludi (Milesia), pars 33

Image
Tariq scilicet minime pudebat tempora populosque temere miscere. Dum id facit, fumum e fistulâ electronicâ accurate hauriebat. Tum censui mihi tempus dari interloquendi : -Fistulam Persicam fumemus ! Id genus dicunt parum nocere. -Mihi non licet, inquit. Prae pulmonum morbo. Sed noli propter me abstinere ne unam petas. Ne tibi mentiar, huc saepe uenio eâ mente ut fumo alieno eminus fruar. -Intelligo. Deinde post breue tempus, ego : -Credo illud, aio, tibi libere posse. Capsulam liquidi aromatici e tubulo depromptam Tariq obtuli. Quam hic curiose inspexit ; inde perrexi : -Amicus meus hanc e Turciâ nuperrime inuentam mihi attulit. Sapore « Persico » sicut in pittacio legere potes. Quam fistulae tuae inseras atque in honorem meum fumes...Accipe hanc : tibi do. Hoc momento sophophonium sonuit meum. Respondi, collocutorem intente auscultaui, et, post sermonem, Tariq ualedixi, praetendens mihi quam citissime ad Uniuersitatem reuertendum esse. Interim alter capsulam auide contemplari coep…

Soliloquium e Guiana 28 - Acta diurna regionis (die 17 m. Aprilis)

Image
Saluete amicis amicaeque Latine loquentes.

Quid noui in Guiana Francogallica?

Sicut scitis, ante V hebdomadas claustra in uiis posita sunt a reclamantibus qui moderatores Francogallicos plurima poscerent e quibus nouum nosocomium, scholae, collegia, lycaea, uiae stratae, subsidia pecuniaria agricolis dicata pluresque biocolytae regionis pacandae causa. Nonnullae sodalitates ciuiles reclamantibus praefuerunt e quibus factio illa Quingenti fratres nuncupata . Hi cito innotuerunt ob cucullos nigros quibus uultus occultant. Per hos et plura opificum collegia, tabernae plurimae clausae sunt. Interim cessatio omnium operarum tota regione decreta est. Sic per iv hebdomadas discipuli scholas adire non potuerunt, cum nemo claustris in uiis positis ex urbibus exirent. 

Etsi ministri pecunias haud paruas promiserunt, tamen reclamantes claustra tollere noluerunt ut multa bona in tabernis mox deesse coeperint.

Nouissima hebdomada incolae cum in urbe Kourou tum Caiennae decreuerunt pompas appa…

Secreta Ursi, Finis ludi (Milesia), pars 32

Image
-Quidquid de uobis scripsi, ei non parcam. Uos autem ipsos artius cognoui quam ut uobis noceam.
-Deinde... -Deinde aliquem, mihi ignotum, necopinato interficiam, sicut ab adulescentiâ solebam. -Nonne hanc persequeris ? Subito Martha uetustior esse barbato uisa est quam ut tali munere porro fungeretur. Haud dubium erat quin uterque gestiret ut gloriae suae laude quam diutissime perfrueretur nec iam plus assequi ualeret. Non enim annos ipsos timebant, sed aegre ferebant uires propter eos sibi defuturas esse ut periculo munerisque aleis non iam occurrerent. Quorum minime intererat mori dum munere fungendo morerentur. -Ad rem, illa inquit, nobis reuertendum est. -Recte dicis. -Narra mihi, quaeso, quomodo Tariq decesserit. Iam Martha ambagibus neglectis optabat ut solas de negotii fine notorias colligeret.
*
Me ualde taedebat hoc negotium efficere, quod et exquisitius et apparatius esse apparebat, unde si id patefieret, obnoxii periculo maximo essemus. Praeterea, quod paradoxon erat, mult…

Soliloquium e Guiana 27 - Acta diurna regionis (die 10 m. Aprilis)

Image
Ante IV fere hebdómadas reclamantes incolas hortati sunt ut omnes operas in Guiana Francogallica cessarent. Etsi magnae pecuniae ab ministris nouissimâ hebdómadâ regioni attributae sunt, reclamantes plus accipere cupientes decreuerunt cessationes modo firmiore producendas esse. Iam dicunt scholas officiaque publica  non ante longum tempus apertum iri. Huc accêdit quod nec incolae nec biocolýtae quidem propter claustra in uiis posita  inter urbes commeare possunt nisi interdum noctu.  Multa edulia in tabernis desunt. Itaque sunt qui in mercatibus improuisis, i.e.illicitis obsonent. Ibi nonnumquam bonorum pretia nimia exiguntur; exempli gratiâ cucumes euronibus singulis aut lactucas euronibus septénis uenire uidimus. Nemo scit quamdiu moderatores biocolytaeque libertates cíuicas impune uiolari passuri sint, sed ubique rogatur quidni in tantulam reclamantium factionem saeuiatur. Fama refert maiorem ciuilem tumultum timeri siquis forte claustra uiaria tollere audeat, uel rixas…

Secreta Ursi, Finis ludi (Milesia), pars 31

Image
-At negotium Budapestinianum prouincia maximi momenti est. Id deformare mihi displicet.
-Noli id scribere nisi deformare cupis... -Equidem talia audire nolebam. -Quid me poscis ? -Quid poscam ? Persuadeas ut finem scribendi faciam Scriptorii Explorationis Occultae gratiâ ? Ecquid porro habeam quod tibi dicam ? -Non tibi mentiar : scribe istud opus quoniam tergum uertere times, deinde fac ut id ultimum uolumen fiat seriei Secretorum Ursi. Indubitate Martha pro Scriptorio dicta aurea suadebat. Ipsa Mamma, quantum Ursus notauit, sincere adnuit. Tunc hic : -Num credis me debere silentium Urso iniungere ? -Nihil credo. Suadeo ut cesses de operis nostris scribere quippe cui non iam libeat. -Existimasne id hactenus mihi libuisse ? -Libuisse an interfuisse tuâ dubium... Necesse fuit id tibi profuisse. -An id profuit ? -Ne uocabula mea repetieris ! -Quid mihi profuit ? -Istud scire minime cupio, Marce ! Neque ullius assis facio : huc enim ueni tecum laborandi causâ. -Mentiris. -Numquid tibi a…

Soliloquium e Guiana 26 - Acta diurna regionis (die 4 m. Aprilis)

Image
Saluete amici amicaeque Latine loquentes.
Quid noui in Guiana Francogallica? Heri tertia iniuit hebdomada cessationis omnium operarum. Nulla schola, nullum collegium, nullum lycaeum, nullum officium publicum ubique regionis adiri potest nisi nosocomia sedesque biocolytarum. Pleraeque tabernae clausae manent siue bona desunt siue reclamantibus fauent. Ministri regimine Lutetiā missi iam in Europam reuersi sunt nullo foedere icto. Ministra Bareigts, rebus ultramarinis praefecta, etiam coacta est multitudine exhortante ut ueniam posceret in nomine Francogalliae ob neglegentiam nationis. Praeterea in disputationibus politici Guianenses plerumque semoti sunt ut soli legati societatum ciuilium cum ministris agerent. Hi plus milliardum siue mille milliones euronum praebuere quae summa dicaretur ad promouendam oeconomiam, agriculturam, iustitiam, gentesque indigenas. Frusta. Reclamantes bis maiorem summam efflagitant. Paucissima aeroplana sinuntur ut aduolent quod operae aerop…

Secreta Ursi, Finis ludi (Milesia), pars 30

Image
… Diem operationis selegi quo sub caelo sereno agerem.
Nec opinato Ursus loqui cessauit. Primum Martha hoc silentium non mirata est quia credidit eum uel recta sermonis uerba uel eorum ordinem quaerere. Itaque taciti centum metra porro progressi sunt. Tunc illa interrogans: -Numquid est, ait, quod te turbet ? Barbatus cum suspirio perspicillia sustulit quamuis sol uehementer exsplendesceret. -Quâdam re me turbari fateor. Interim Mamma in speculatricem auersam uelitabatur, audens quoque aliquotiens fumum fistulae ad eius os uersus respuere tanquam aemulae instaret. Martha uero quae nihil notaret, tamen secum dubitauit cur emissarius cilia frustra contraheret uelut bestiolas effugiturus. Namque is quasi per caliginem incedebat. Quod prodigium feliciter non durauit : Mamma enim pugnâ inani fessa fugam perseuerantiae praetuli locoque mox facessiuit ubi paulo ante proelium commiserat. -Mi Marce, ait Martha quae emissarii praenomine raro utebatur, noli me illudere. Iam XX annos te cognoui.…

Soliloquium e Guiana 25 - Acta diurna regionis (die 29 m. Martii)

Image
Ecce acta diurna e Guiana Francogallica.
Heri plus decem milia reclamantium pompâ ingenti in uiis Caiennae incesserunt.  Efflagitabant ut ministri nationis in Guianam uenirent ac tractarent de regionis difficultatibus in quibus uiolentia urbana, paupertas, inopia munerum scholarumque. Populi indigenae quoque Amazoniâ oriundi se reclamantibus iunxerant. Incolarum numerus paulo minor in urbe Saint-Laurent congregata est reclamandi causâ.
Dum haec in praefecturae capite geruntur, paucissimi dinumerabantur homines in reliquis oppidis quod scholae et pleraeque tabernae clausae erant. 
Diurnarii Guyane 1e nuntiauerunt numquam ante tantam multitudinem in regione reclamasse. Consentiunt cunctationem moderatorum in Europa causam fuisse cur tot incolae motui ciuili interessent.
Lutetiae ministra Taubira, regione Guianâ oriunda, asseuerauit moderatores quamquam agere deberent, cum D fratribus tractare posse dum cucullos nigros tollerent. Hi enim homines, qui multis reclamantibus praesunt, i…

Soliloquium e Guiana 24 - Acta diurna regionis (die 28 m. Martii)

Image

Soliloquium e Guiana 23 - Acta diurna regionis (die 27 m. Martii)

Image
Saluéte amíci amicaeque Latine loquentes. Mihi nomen est Renaud Mercier, siue Latine Reginaldus Mercator. Hodie nuperrimos nuntios de Guiana Francogallica tradam.  Primo statum urgentium regionis nostrae memorabo: ante paucos dies, agricolae, laboratores plurium negotiationum necnon plúrimae sodalitates ciuíles reclamare coeperunt alii de difficultatibus oeconomicis alii de uiolentia urbana. Nec morâ in plerisque uiis claustra eo consilio posuerunt  ne autoraedarii urbes aut inire aut exire possent. Heri propter inopiam bonorum reclamantes claustra ex autouiis paucas per horas sustulerunt ut incolae obsonare possint. Sed collegia opificum et sodalitates ciuiles decreuerunt totam omnium operarum cessationem . Tabernae, officia publica, scholae, collegia, lycaea, omnia clausa manebunt praeter nosocomia sedesque biocolytarum. Nemo scit quando labor redintegrari possit. Legatio Lutetiâ Parisiorum missa est, sed reclamantes ac nonnulli aediles recusant emissarios conuenire. Sodalitas enim…

Secreta Ursi, Finis ludi (Milesia), pars 29

Image
Tariq confusus, dum interloquentem agnoscere conatur, oculos in eum defigere coepit ; iam sibi inopiam memoriae reprehendens, ait : -Timeo ne... Statim Ursus semetipsum commendaturus, eum necessitudinum diplomaticarum munerisque academici admonuit. Per Fortunam procurator Ordinis Internationalis Francophoniae barbati nostri nomen sine morâ recordatus, eum comiter resalutans ueniam ob memoriae tarditatem petiit ut inuitus ei auxilio subuenerit. Quâ ex re cum animi omnium illico relaxarentur, Tariq metu relicto fretusque tali consuetudinum communitate manum Urso porrigere. Hunc autem statim paenituit Tariq dexteram accipere : qui digitos tam uehementer conterere quam taenias in inaugurationibus exquisite secare posset. -Ignoscatis, Ursus inquit, mihi interloquenti. Nonne nostrâ maxime refert nos confabulari Festum Internationale Pellicularum Francogallice Loquentium Africanarum ? Equidem exspectabam uos libello electronico responsuros esse quem nouissimâ hebdomade uobis miseram, at,…