Cur silentio longiore erga vos abutar.

Diu, immo vero diutius, procul a vobis remansi! Certe, nuper, sicut plerisque magistris, mihi fuerunt cognoscendi discipuli novi: me tamen decet fateri proniorem in negligenda officia fieri cum totus in scholasticis arripiar.
At aliquid novi hoc anno evenit quo tempus omne mihi subripiatur: consilium grave ac, ut dicam, quâdam vesaniâ promotum concepimus.
Proximo anno Francogalliam relinquemus ut in Islandiam migremus... Totum enim per mensem septembrem formositate eius regionis penitus commoti, aestimare coepimus quantum nos in Francogalliâ manêre taederet! Laboris studium, amor urbis nostrae, quodcumque dilexeramus, subito nullius pretii fiebat. Dum haec meditamur, glacie crateribusque vocabamur, quibus etiamnunc tantumdem attrahimur.
Inter taedium remanendi ac proficiscendi illecebras haesitantes nimis dolemus: interruptionem laboris petimus fortunam temptaturi sub Arctico!
Una cum liberis mense Augusto abibimus...
Vos sane certiores faciam quomodo consilium in res ipsas versuri simus!
Valete!

Commentaires

Posts les plus consultés de ce blog

Secreta Ursi, Finis ludi (Milesia), pars 6

Secreta Ursi, Finis ludi (Milesia), pars 4

De regimine Taiuaniensium (I)